"Dugo't Laman"

ni: Brian I. Jacobe 11-ABM C

     Minsan ba'y iyong naisip, "Ako'y Pilipino at pagyayamanin ko ito"? Ang ating wika ang bumubuo ang saating diwa at buhay dahil ito ang ating natatanging kapangyarihan upang tayo'y magkaintindihan. Isipin niyo ang mundo na walang pagkakaintindihan, magulo hindi ba? Sa ating henerasyon ngayon,nakaranas ng madaming pagbabago ang ating wikang Filipino. Nariyan ang wikang balbal at kolokyal na kadalasang ginagamit ng madla. Ngunit paano nga ba ito nagbago? Sa aking pananaw, ang dahilan ay ang patuloy na pagbabago ng ating pamumuhay tulad ng paggamit ng makabagong teknolohiya. Napakalaking midyum ng wika ang bagong teknolohiya tulad ng facebook, messenger, instagram at iba pa. At sa paglaganap ng teknolohiya, nagbigay daan ito sa makabagong impluwensiyang idinulot sa wika. Kung noon ang mga Pilipino'y mga makata at puro ang pananalitang pambansa, ngayo'y tila mga salitang hiram, pinalitan ang ayos at bulgar ang iwiniwika ng karamihan.Iyon lamang po, ang wika natin ang bumubuo saatin na tila ating dugo at laman maraming salamat po sa pagbabasa.

POSTED BY JASMIN PARNACIO AT 10:47 AM

"Ako'y Tapat"

ni: Diego D. Ambrocio 11-ABM B

     Hininga, kapangyarihan at puwersa. Ito ang mga salitang naikikintal sa aking isipan sa tuwing maririnig ko ang mga salitang "Wikang Filipino". Ngunit paano nga ba napapabago o ano ang pagbabago na nagagawa ng Wikang Filipino? Ang sariling wika ay hindi nakababawas ng katalinuhan kung ito'y gagamitin sa iba't-ibang larangan. Marami ang nagsasabi na kapag ang iyong wika ay Filipino ay isa kang mangmang o bobo ngunit kapag Wikang dayuhan naman ang iyong gamit ay ikaw ay sosyal o mayaman. Maraming pagbabago ang nagagawa ng Wikang Filipino,isa na rito ang hindi maayos na pamamahala ng edukasyon sa ating Bansa , naniniwla sila na Ingles raw ang wika ng mundo. Dahil sa wika natin marami ang tumatangkilik ng ibang wika dahil sa naniniwla sila na ang sariling wika natin ay wikang pang mangmang lamang at pangmahirap. Ngunit hindi ko kailanma'y itinakwil and sarili kong wika. Ipinagmamalaki kong ako ay Pilipino at bansa ko ang Pilipinas.

POSTED BY JASMIN PARNACIO AT 10:27 AM

"Ako Ay Pilipino, Ito Ang Kulay Ko"

ni: Jasmin R. Parnacio 11-ABM C

     Ang wikang Filipino ang nagsisilbing pagkakakilanlan ng bawat Pilipinong mamamayan at nagbubukod-tangi sa atin mula sa ibang lahi. Ngunit ano nga ba ang mga pagbabagong nagagawa ng wikang Filipino? Paano ito nakakaapekto sa atin at sa atin bansa? Ang wikang atin ay nagsisilbing tulay upang magkaroon tayo ng ugnayan sa ibang bansa, ibang nasyon, ibang lahi, ibang bayan at ibang tao. Maging ito man ay pasulat o pasalita. Dahil dito, nagiging ganap ang ating pagkatao. Nariyan ang mga hadlang sa biyahe ng ating wika at ang mga kalbaryo sa wikang pambansa. Natural na ito sa atin at hindi na ito maiiwasan. Kung patuloy nating mamahalin at isasabuhay ito sa tamang paraan, ay nababalanse natin ang ating antas hinggil sa pagtangkilik sa wikang pambansa. Marami mang ginagawang pagbabago sa wikang Filipino ang ilan sa atin (kabilang na ang pagpapaikli ng mga salita, paghahalo ng wikang Ingles, paggawa ng akronim, pagbabaliktad ng mga pantig at iba pang paraan upang maiparating ang hinaing at magkaunawaan) ay nanatili pa rin ang hangarin nating maging tanyag na mga Pilipino. Sa kabila ng pagpapatupad ng Saligang Batas na opisyal na wika din ang wikang Ingles, ay nawa hindi ito maging dahilan upang mangibabaw ang kolonyalismo. Dahil wikang Filipino pa din ang dapat na manaig sa bansang ating sinilangan, ang bansang Pilipinas. Tayo ay Pilipino. Mabuhay tayong lahat!

POSTED BY JASMIN PARNACIO AT 11:28 AM

"Yakapin Natin Ang Wikang Atin"

ni: Shaira M. Meridor 11-ABM C

     Ang wikang filipino ang nagsisilbing gabay natin tungo sa panghinaharap. Maraming nangyayaring pagbabago at hindi na ito bago pa sa ating mga Pilipino. Nababago ang wikang atin sa pamamagitan ng pagtatanghal ng mga programa tuwing sumasapit ang araw ng ating wika dapat lang itong ituro sa mga paaralan at igalang natin ang ating wika, huwag haluan ng hindi magagandang salita tuwing sasapit ang araw na  ito, lahat ng paaralan ay gumagawa ng ibat ibang klase ng programa malaking tulong ito sa pagbabago ng ating wika. Ang iba pang pagbabago ng ating wika ay marami ng banyagang wika, madami din tayong mga kababayan na nasa ibang bansa kaya madali na din matuto ng ibang mga wika. Maganda ang naitutulong ng programa tuwing sumasapit ang linggo ng wika dahil lahat ng lugar dito sa Pilipinas ay nagtatanghal ng ibat ibang klaseng programa tulad sa mga eskwelahan. Nararapat na mahalin natin ang sariling wika at dapat alam natin pahalagaan ang ating sariling wika. Huwag natin pairalin ang wikang banyaga. Tangkilikin ang wikang atin upang nang sa ganon ay matamo natin ang layuning maging maunlad nang walang halong pag-aalinlangan. Ang tunay na Pilipino ay yaong may dignidad sa sarili na ang kaniyang sariling wika ang tanging simbolo ng tunay na mamamayan.

POSTED BY JASMIN PARNACIO AT 11:25 AM

"Wika Nating Lahat, Wikang Filipino"

ni: Fidela C. Angayen 11-ABM B

     Habang tayo ay nabubuhay, nagkakaroon tayo ng kamalayan sa mga pagbabagong nangyayari sa ating paligid maging sa ating wika. May bahagyang pagbabago sa paggamit ng wikang Filipino at tila hirap ang ilan na makisabay dito. Sa pag-usbong ng makabagong henerasyon ay marami naring pagbabago sa pamumuhay ng mga Pilipino. Naging madali sa atin ang makasagap ng impormasyon sa pamamagitan ng mga social networking sites, text messaging, mass media at iba pa. Halimbawa na lamang ang pagkakaroon ng impormasyon ukol sa mga nangyayaring karahasan, kalamidad, at kasiyahan sa bansa. Dahilan nga sa laganap na ang iba’t ibang uri ng media mabilis tayong magkaroon ng komunikasyon sa ibang tao sa loob at labas ng bansa. Ito rin ang nagbunsod upang makagawa ng maraming bagong salita na hindi nararapat na mabuo sapagkat ito’y hindi angkop sa lengwaheng nakasanayan. Dahilan sa kagustuhan ng mga Pilipino na mapadali ang komunikasyon sa ibang tao kaya pinaiikli nila ang mga salita o “shortcut”. Sa ngayon, napakarami nang nakakalap ang tao tungkol sa nangyayaring pagbabago pagdating sa wikang Filipino. Hindi man madali sa atin ang maging dalubhasa sa iba't-ibang wika ay napapatumayan naman natin sa pamamagitan ng pagtangkilik ng sariling atin ay nagiging ganap tayong mamamayan ng bansang Pilipinas. Kailangan natin magkaroon ng tamang pananaw at konsiderasyon sa mga nangyayaring pagbabago, ito man ay mayroon o walang maidudulot sa atin. Kung para sa ating Inang Bayan ay bakit hindi natin samantalahin ang pagkakataong tayo ay nakakapagsalita? Huwag tayong mawalan ng pag-asa habang alm nating tayo ay magkakaroon ng mabuting kinabukasan. Ituring natin na sa bawat minutong tayo ay may kakayahang paunlarin ang sariling wika,ang wikang Filipino ay ating lakas hinggil sa mapanghinang mga wikang banyaga.

POSTED BY JASMIN PARNACIO AT 11:07 AM

"Sabay Sabay Nating Ipagmalaki Ang Bandila Ng Pilipinas"

ni: Jen D. Adriano 11-ABM B

     Sa paglipas ng panahon, maraming pagbabago ang nagaganap. Maging ang ating sariling wika ay nagkakaroon ng pagbabago. Ang pagbabago ng wika ay hindi natin maiiwasan at mapipigilan. Sa ilan, ito ay masasabing dahan-dahang pag-unlad hindi lang para sa ating mga Pilipino bagkus pati sa ating Inang Bayan. Ang wikang Filipino ang nagiging daan sa ating pagkaintindihan. Sa paraang ito, maraming tao ang nailalahad ang kanilang saloobin, damdamin at mga hinaing. Kapag nababatid natin ang bawait hinaing ng bawat isa, tayo'y nagkakaintindihan. Kapag tayo'y nagkakaintindihan, makapagbibigay tayo ng mga paraan kung paano umunlad ang ating bansa. Sa tulong ng wika, tayo'y nagkakaunawaan tungo sa ating pagyabong. Mula nang tayo at namulat, likas na sa atin ang magkaroon ng sariling wikang kailangang pagtibayin. Sa paraang tinatanggap natin sa ating puso ang sariling atin ay napapatunayan natin na hindi hadlang ang ibang wika upang maging mababa ang tingin natin sa wikang Filipino. Kahit pa man umuusbong ang mga panibagong paraan ng paggamit ng wikang Filipino ay isaisip pa din natin ang pagiging tapat at mabuti sa ating wika, ating sarili, ating kapwa Pilipino at maging ang ating bansa. Hindi masama ang pagbabago lalo na kung ito ay makatutulong sa ating pag-unlad. Ang mahalaga ay isa-puso't isip natin ang kahalagahan ng ating wika. Magkaroon tayo ng magandang hangarin kaakibat ang positibong pananaw sa tinamo nating  pagkakakilanlan. Ang wikang Filipino ay ang tanging instrumento upang makamit natin ang tunay kaunlaran.

POSTED BY JASMIN PARNACIO AT 11:04 AM

"Ako Ay Tunay Na Pilipino"

ni: Dave Olidan 11-ABM C

     Pagbabago tungo sa kaunlaran. Isang pahayag na karaniwan na nating nababasa at naririnig saan mang dako. Sa telebisyon, sa radyo o maging sa mga pahayagan. Ngunit, ang mga pagbabago nga bang nangyayari sa wikang Filipino ay nagkakaroon ng bahagi sa kaunlaran ng bansang Pilipinas? Oo, sapagkat ang tunay na pagbabago ay nakakamit lamang ng isang Pilipino kung isinasabuhay at isinasapuso niya ang kaniyang natatanging kayamanan, ang kaniyang sariling wika. Dahil sa wikang Filipino, ay nagagawa nating makipagtalastasan sa kapwa natin. Nabibigyan natin ng kahulugan ang tunay na Pilipino sa puso, sa isip at sa gawa. Ito rin ang nagiging sangkap natin upang maging kumpleto ang mga kakailanganin tungo sa ating ikakapag-tagumpay. Sa kabila ng mga pagsubok na kinakaharap ng wikang atin ay nagiging matatag tayo at nagsilbi iyong ilaw upang patuloy na mabuhay. Dahil sa wikang Filipino ay nagkaroon tayo ng pag-aaring hindi mananakaw nang sino man. Kung ang basehan ay ang pagiging magaling sa mga wikang banyaga, hindi ito totoong basehan. Sapagkat hindi naman nakababawas sa katalinuhan ng tao ang pagiging mahina sa ibang wika. Iba pa rin ang dignidad ng isang Pilipinong may pagtanaw sa sarili niyang wika. Umusbong man ang iba't ibang problema sa wikang Filipino, dapat natin itong tanggapin sapagkat sa huli, tayo ang magtatagumpay. Makisabay sa bawat pangyayari, nawa'y huwag maging balakid ang wika ng iba para hindi maging maunlad ang bawat isa sa atin. Sapagkat ang wikag Filipino ang ating lakas at nagsisilbing tagapagpaalala sa atin na tayo ay isinilang sa kadahilanang tayo ay dapat isakatuparan at walang iba kung hindi ang magkaroon ng isang bansang may pagmamahal at pagkakaintindihan.

POSTED BY JASMIN PARNACIO AT 10:58 AM